Ladin, n lengaz da amèr – 2024 | Servijes linguistics e culturèi

DÌ INTERNAZIONÈLA DEL LENGAZ DE LA MÈRE – AI 21 DE FIRÉ
LADIN, N LENGAZ DA AMÈR – 2024
Nosc lengaz conta ence de te: recorda, rencura, rejona!
I Servijes linguistics e culturèi del Comun General de Fascia à metù ensema na lingia de filmac per envièr duc a tegnir su nosc lengaz.

“Se la cultura fossa na cèsa, l lengaz fossa la chief del usc che lascia ite te duta la cambres”

Stefania Podda

“L lengaz l é la cèsa del esser e te chel lech l é enciasà l om”

Melany Locatin

“L lengaz l é n segn, l segn più gran de nosc esser”

Sara Desilvestro e Silvia Murer

“Duta la outes che n lengaz tegn permez, se tegn su la desvalivanza, la desvarianza e l melaur del om”

Massimo Riz e Harald Zorzi

“I lengac i é desche i èlbres . I à reijes che rua fones tel teren, olache dut l é scomenzà e dut se pascentea con chel che l é stat dant da nos. La reijes les tegn ite recorc che doventa pabol nef per i rames”

Manuela Rossi del Baila

“L lengaz, dant de voler dir zeche, l é n valor per zachei”

Martina Debertol e Stefen dell’Antonio Monech

“Dut pel mudèr, ma no l lengaz che aon daite “

Pelegrin Chiocchetti Pelin