Vigni an l Comun General de Fascia l endreza i ejames per l zertament del lengaz e de la cultura ladina aldò del art. 18 de la L.P. dai 19 de jugn 2008, n. 6, en ejecuzion del art. 2 bis del d.lgs. dai 16 de dezember del 1993 n. 592.
Te chesta sezion vegn publicà i formulères per l’amiscion al ejam per l zertament de la cognoscenza del lengaz e de la cultura ladina e la istruzions de referiment.
Se pel portèr dant la domana de enscinuazion canchemai fora per l an, a na moda da ge dèr l met ai candidac de tor pèrt a la pruma sescion de ejam en program, fata a saer tras publicazion.
I candidac donca i vegn envié a seghitèr a jir su sun chest sit per verifichèr se fossa stat publicà de neves avisc che revèrda i ejames.
Ejic finèi
Publicon i ejic finèi del ejam per l zertament de la cognoscenza del lengaz e de la cultura ladina, livie A2, B1, B2 e C1. A scomenzèr dai 15 de dezember del 2025 se podarà vegnir a se tor l atestat aló dal ofize di Servijes linguistics e culturèi del Comun General de...
ATESTAC
Na outa passà l ejam e serà su la sescion, se pel vegnir a se tor l atestat aló da la senta del Ofize di Servijes linguistics e culturèi, te Ciasa de la Moniaria, Strada de la Pieif 1, San Giovanni di Fassa – Sèn Jan.
Se no podede vegnir de persona podede ge fèr na delega scrita a zachei de auter, con enjontà na fotocopia de vosc document de identità.
