L Comun General de Fascia l dèsc fora contribuc per projec e scomenzadives per l lengaz e la cultura ladina, per l’atività ordenèra de la sociazions culturèles e de delet, e per i projec “Per ladin amò più bel” e “L ladin tel sport”.
Projec e atività ordenèra
L é pervedù trei sorts de domanes: n contribut ordenèr, n finanziament per projec e scomenzadives e n sostegn per la sociazions recognosciudes. L termin per les portèr dant l é i 15 de otober.
Per ladin amò più bel
Chest projet l perveit n contribut per stampèr placac e auter o demò per ladin (contribut del 70%) o per talian e ladin (contribut del 50%). La suma data fora no la pel jir sorafora i 500 €.
L ladin tel sport
Per tegnir su l’identità ladina e slarièr fora la doura del lengaz soraldut te anter i bec, vegn dat n contribut per smaorèr la doura del ladin te la ativitèdes sportives e te la desvaliva ativitèdes del grop.
