L Servije se cruzia ence de la traduzion di ac publics del Comun General de Fascia e di Comuns e l ge dèsc didament per la traduzion ai ofizies aministratives de la Scola ladina e de la Cèsa de paussa e l fèsc la revijion di tesć didatics per la scola.
Amò apede l é a la leta per la traduzion de libres, tesć de desvaliva sort, sic internet e auter materièl per ladin.
Dal 2020 l é peà via na colaborazion zis emportanta col Ofize Stampa de la Provinzia Autonoma de Trent per la traduzion per ladin, mochen e zimber di comunicac stampa.
A chest link duc i comunicac ti 3 lengac de mendranza:
Formulèr da empienir e manèr ite per la domana de colaborazion per poder se emprevaler del servije de traduzion e/o revijion de documenc e tesć per ladin.
PORTFOLIO SERVIJE DE TRADUZION
Sit internet “design delle superfici” – Pitture Pederiva
Nosc servije no se cruzia demò de traslatèr tesć o libres. Tel chèder del projet “Per ladin amò più bel” la firma Pitture edili Pederiva Paolo & C. s.a.s. la se à out al Ofize di Servijes linguistics e culturèi per traslatèr sie sit.
Matthias Sieff – catalogh
Dant del 2019 e dapodò del 2023, l artist fascian Matthias Sieff l se à out al Ofize di Servijes linguistics e culturèi per la traduzions de la critiches di esperc en cont de sia èrt binèdes adum te doi cataloghes.
Fassa calcio – 45 egn de Fascia balon
Un di projec per chel che aon abù l met de colaborèr l é stat l liber endrezà per i 45 egn del Fascia balon. L é sta n piajer traslatèr toc de la storia de chesta Sociazion che da generazions la bina ensema sacotenc joegn de Fascia sul ciamp da balon.
