N nef projet, de chel che sion n muie stolc, metù a jir aldò de na idea del Conseier de Procura a la Cultura, Amedeo Valentini, coi dessegnes del artist fascian Ismaele Soraperra, e la colaborazion de la Familia Coprativa de Fascia- Fassa Coop, dell’APT de Fascia e del Consorzie eletrich de Poza.
L projet l se à slarià fora a duta la val, e l é stat tout su con gaissa dai boteghieres de Fascia.
La “Chèrta fascènes” – la chèrtes da jech caraterisèdes coi simboi del Carnascèr fascian: cordeles, facera, piroi e bronsins tol l post di colores tradizionèi, e Laché, Bufon e Marascons i é l Re, l Ciaval e l Zot.
Te la scatola, apede a la 40 chèrtes l é ite ence na curta descrizion del Carnascèr fascian e la istruzions de 6 jeghes tradizionèi.
La descrizions tel depliant les é scrites te cater lengac (ladin, talian, todesch e ingleis), e chest ge dèsc valuta al projet ence dal pont de veduda turistich e comerzièl.
