La domanes sul Pian organich anuèl les cogn vegnir portèdes dant te Comun General dant dai 15 de otober de vigni an.
L é pervedù trei sorts de domanes:
– CONTRIBUT ORDENÈR PER LA VALORISAZION DE LA IDENTITÀ E DEL LENGAZ LADIN: l ge vegn recognosciù a la sociazions culturèles e de delet desche museghes, cores, gropes folck, gropes de teater e c.i., soraldut cheles che tegn su ence l’identità e l lengaz ladin. A chesta sociazions ge vegn dat fora n contribut aldò de la atività metuda en esser.
– FINANZIAMENT PER LA SCOMENZADIVES PER L LENGAZ LADIN: vegn pervedù finanziamenc per i projec che valorisea e che engaissa la doura del lengaz ladin te desvalives setores: musega, televijion, teater, evenc, publicazions e c.i.;
– FINANZIAMENT PER LA SOCIAZIONS RECOGNOSCIUDES: chest finanziament l ge vegn dat fora a la sociazions recognosciudes dal Comun General e da la lege provinzièla su la mendranzes linguistiches e che se dèsc ju per l stravardament de l’identità ladina.
LIQUIDAZION
La sociazions e i gropes che à ciapà n finanziament sul Pian anuèl de Politica linguistica e culturèla i pel domanèr che ge vegne paà dantfora l 70% de la soma recognosciuda, per poder envièr via la scomenzadiva, scrivan ite l formulèr aldò. A la fin del an de finanziament e aboncont dant che sie fora i 31 de jené del an dò, o penamai che la ativitèdes les é states fenides o cò l projet l é stat serà su, la sociazions les cogn portèr dant domana de liquidazion del contribut conzedù scrivan ite l formulèr, aldò de l’atività metuda en esser: ativitèdes ordenères opuramenter projec. Amò apede la sociazions, ensema co la domana de liquidazion, les à l obligh de ge manèr ite al Comun General de Fascia ence la declarazion de sotmiscion /ejenzion a la trategnuda del 4% con apede la fotocopia del document de identità del raprejentant legal e la copia del statut de la sociazion (se no l é amò stat manà ite).
