CHI = duc chi che à gust de se meter a la proa te sie lengaz de mendranza opuramenter per rejons de lurier, colun mai che sie l livel de studie. Canche vegn portà dant la domana i candidac cogn aer fat i 17 egn.
CO = se pel manèr ite la domana de amiscion sul model aldò e la portèr a man al ofize de l’U.O. di Servijes Linguistics e Culturei del CGF opura la manèr per posta racomanèda con avis de retorn (te chest cajo vèl la data del stempel del ofize de la posta), o amò per posta eletronica zertifichèda a la direzion scrita sotite:
COMUN GENERAL DE FASCIA
Ofize de l’U.O. Servijes Linguistics e Culturèi
Strada di Pré de gejia, 2 – 38036 SAN GIOVANNI DI FASSA – SÈN JAN (TN)
PEC: pec.cgf@pec.comungeneraldefascia.tn.it
Te la domana cogn vegnir jontà ite la fotocopia dedant e dedò de n document de identità valevol e l rezepis de paament de la couta per l’enscinuazion al ejam (€ 10,00 per l ejam de livel A2, € 30,00 per i ejames de livel B1, B2 E C1), da paèr tras l sistem Pago PA (la sezion dedichèda al Ent la é da poder troèr sul sit istituzionèl tras chest link:
https://amoneypa.comungeneraldefascia.plugandpay.it/
te la sezion “Servizi senza registrazione – Pagamento spontaneo – Iscrizioni esami di ladino”, cernan la tarifa del livel de enteres).
CAN = Vegn endrezà doi sescions fora per l an, la pruma d’aisciuda e la seconda d’uton, fates a saer tras publicazion sul sit del Comun General de Fascia, l albo telematich, i sic e i albi di Comuns de Fascia.
La publicazion la vèl desche convocazion di candidac.
I candidac donca i vegn envié a seghitèr a jir su sun chest sit per verifichèr se fossa stat publicà de neves avisc che revèrda i ejames.
