Aisciuda Ladina 2024

GÉ VE VOI BEN… INOMES DE MIA TERA

Ence chest an l é ruà l’Aisciuda Ladina, festa del lengaz e de l’identità.

Per l 2024 volon meter al luster l tem de la toponomastica ladina, per cognoscer e recordèr i inomes de nosc raion, testamonesc veiores de storia e comunanza.

L é apontin per chesta rejon che l Comun General de Fascia, l Istitut Cultural Ladin, la Scola ladina de Fascia e l’Union di Ladins de Fascia i a volù colaborèr a na vida che duc posse endodanef cognoscer e durèr i inomes ladins di lesc de noscia bela Val de Fascia, acioche no vae perdù l leam col teritorie che nesc aves à abù dant da nos.

Chest an, per ge dèr l met a più jent che l é meso de tor pèrt a la sacotanta scomenzadives en program, aon pissà de slarièr fora l’Aisciuda Ladina sun de più setemènes, da de oril enscin de mé. A chesta vida duta la val e duta la comunanza les podarà esser protagonistes de chest event tant spetà.

Sun chesta piata vegnarà portà dant l program di evenc man a man che i ruarà: raides e spazirèdes, conzerc e laboratories, prejentazion de libres e scontrèdes culturèles: donca no te perder nience n apuntament, e seghita a vegnir sun chesta piata per veder duta la novitèdes.
Tol pèrt ence tu co nos a l’Aisciuda Ladina!