GÉ VE VOI BEN…INOMES DE MIA TERA
Rua endò l’Aisciuda Ladina, festa del lengaz e de l’identità.
Do l gran aprijiament per l endrez del an passà, ence per l 2025 volon jir inant col meter al luster l tem de la toponomastica ladina, per cognoscer e recordèr i inomes de nosc raion, testamonesc veiores de storia e comunanza.
L é apontin per chesta rejon che l Comun General de Fascia, l Istitut Cultural Ladin, la Scola ladina de Fascia e l’Union di Ladins de Fascia i a volù colaborèr a na vida che duc posse endodanef cognoscer e durèr i inomes ladins di lesc de noscia bela Val de Fascia, acioche no vae perdù l leam col teritorie che nesc aves à abù dant da nos.
Ence chest an per ge dèr l met a più jent che l é meso de tor pèrt a la sacotanta scomenzadives en program l’Aisciuda Ladina la vegn slarièda fora sun de più setemènes, da de oril enscin de mé. A chesta vida duta la val e duta la comunanza les podarà esser protagonistes de chest event tant spetà.
Sun chesta piata vegnarà portà dant l program di evenc man a man che i ruarà: raides e spazirèdes, prejentazions de libres e laboratories, corsc e scontrèdes culturèles: donca no te perder nience n apuntament, e seghita a vegnir sun chesta piata per veder duta la novitèdes. Tol pèrt ence tu co nos a l’Aisciuda Ladina!
Program
En sabeda ai 12 de oril da les 16:00: Inaudazion de l’Aisciuda Ladina
Con prejentazion del program. Entitolazion de la sala de la Moniaria a Danilo Dezulian dal Garber e prejentazion de sie ì liber “Tal cher de mie cher” – Ciasa de la Moniaria, Sèn Jan (desćèria chiò l placat)
En jebia ai 17 (e dantfora ai 10) de oril: “I eves te coa”
Laboratorie da Pèsca te coa di picioi, a cura de l’Union di Ladins de Fascia
En vender ai 2 de mé da les 20:30: “Fèr l ort”
Prejentazion del libret de la regoeta Entener e se fèr entener e del cors per se fèr n ort con Sebastian Ghetta, da na colaborazion anter l’Union di Ladins de Fascia e l Comun General de Fascia – Ciasa de la Moniaria, Sèn Jan
Via per de mé sarà 3 o 4 scontrèdes aló da l’Agritur Soreie, per info e enscinuazions se oujer a l’Union di Ladins, tel. 0462 764545
En lunesc ai 5 de mé: Dì de la bandiera ladina
Vegn dat fora l video spezièl su la bandiera “Colores de noscia tera” co la partezipazion de jent de noscia comunanza. Meton fora duc la bandiera ladina!
En lunesc ai 5 de mé da les 20:30: “Nomina nuda tenemus”
N viac te la marevea de la creides de Fascia e ti inomes di lesc olache les vegn chierides e toutes su con amor per ge dèr vita ence a la creazions de Aurona Ores: preziousc da portèr sul corp desche simboi de identità ladina aldidanché. Per endrez del Istitut Cultural Ladin – sala grana de la Majon di Fascegn
En sabeda ai 10 de mé: Raida vin Gherdena
Co l’Union di Ladins de Fascia.
A la descorida de toponimes ladins de l’autra valèdes: Vijita al Museum de Gherdëina, ai mèjes de Mëune de Peza e a la gejia de Sacun (desćèria chiò l dépliant co la informazions)
Enscinuazions dant dai 19 de oril aló da l’union di Ladins, tel. 0462 764545, e-mail union@ladinsdefascia.it
En sabeda ai 17 de mé: Raida a pe coi menatroes Giorgio Poschiavin e Leonardo Cocciardi
Su la seides del Pronzipat. I veies termegn de confin (desćèria chiò l dépliant co la informazions)
EXTRA – en sabeda ai 17 de mé da les 17:00: Radunanza generela de l’Union di Ladins
Per info: www.ladinsdefascia.it
En sabeda ai 24 de mé: Raida a pe col menatroes Damiano Lorenz
Storia e devozion forin Mont. Da Tamion al Jouf de Ciareja (desćèria chiò l dépliant co la informazions)
En sabeda ai 31 de mé: Raida a pe col menatroes Stefano Coter
A ciamorc sul Jouf. Dal Pas Pordoi a Ciantrujan (desćèria chiò l dépliant co la informazions)
E AMÓ APEDE: Fora per duta l’aisciuda te duta la scoles e scolines vegn metù a jir sacotenc projec su la toponomastica ladina, de chi che vegnarà metù adum n video spezièl che vegnarà dat fora a la fin del an de scola.
