LENGAC CHE SE SCONTRA, COMUNANZA CHE CRESC
L’Aisciuda Ladina l’é la festa del lengaz e de l’identità.
Ma che velel pa dir identità anchecondì?
Aldidanché la seides del sentiment de identità les doventa tras più avertes e l conzet de “identità” l tol su segnificac desvalives.
Chesta Aisciuda Ladina la vel donca esser la festa del lengaz e de l’identità ladina, ma ence de duc i etres lengac e de la cultures che vif te noscia val, ge recognoscian a ogneun la dreta emportanza e l derit de vegnir stravardà e tegnù su. Ogneun de nos doventa più rich canche se troon con de autra persones, con de autra cultures e sessaben con etres lengac. L é apontin per chesta rejon che l Comun General de Fascia, l Istitut Cultural Ladin, la Scola ladina de Fascia e l’Union di Ladins de Fascia i a volù colaborèr a na vida che duc posse se sentir pèrt de na tera che à na gran richeza da rencurèr e no destrabonir, per crescer adum desche persones e desche comunanza.
Te chesta setemèna envion duc i fascegn a meter fora la bandiera ladina.
Program
Inaudazion – Procurador Giuseppe Detomas e Conseier de Procura Amedeo Valentini
Bertol te la scolines 2023
Bilinguism, na richeza da fèr crescer – Conferenza co la professora Antonella Sorace.
